شعر حزین تبریزی در مدح مادر حضرت زهرا سلام الله علیهما

(0 رای‌ها)

دوشنده شان و جلالون خیاله یا زهرا

خیال غرق اولی بحر ملاله یا زهرا

یوخوندی عالم خلقتده مثل و مانندون

نه احتیاج نظیر و مثاله یا زهرا

اگر چه صورت ظاهرده بیر بشرسن لیک

ملک ده محودی بیله کماله یا زهرا

بشر هارا بیله بیر عزت و جلال هارا

حبیبه سن سن اوزون ذوالجلاله یا زهرا

شرف سپهرینه اول ماه سن که دورسینه

ووروبدی لطف خداوند هاله یا زهرا

ولادتونده خواتین خلده خالقدن

اولوب فضیلت خدمت حواله یا زهرا

گلوبدی آسیه وساره هاجر و مریم

خدیجه اولمیا مقرون ملاله یا زهرا

گر اولمییدی سنون نورون ای خدا نوری

دچار اولوردی عوالم ظلاله یا زهرا

سنون رضایتون الله رضاسیدور مطلق

دلیل آتان سوزی دور بو مقاله یا زهرا

ولیک فرقه باطل اوتانمیوب حقدن

آچیب جفا الی طاها و آله یا زهرا

بهانه بیعت اولوب اود ووروبلا درگهیوه

اولوبلا غافل و منکر ماله یا زهرا

قاپی یاناندا نه چکدون فقط اوزون بولدون

هانی توان ایله بیر شرح حاله یا زهرا

او استقامت و او صبر و او وقاریله

سبب نه اولدی ایله ابتهاله یا زهرا

شکسته حالیله گل فضه سسلدون سالدون

شراره بارگه لایزاله یا زهرا

نیه عم اوغلوی داده چاغیرمادون که گلوب

ایدیدی شر شراری ازاله یا زهرا

هنوز غرق تحیردی فکر و عقل سلیم

مگر او قوم گلیردی قتاله یا زهرا

اوزون یارالی یخیلدون بالان شهید اولدی

هلاک او طایفه بد سگاله یا زهرا

او ظلم لر سبب اولدی بهار عمرونده

یتیشدی شمس وجودون زواله یا زهرا

سنون مودتون اجر رسالتیدی ولیک

تعدی اولدی او امر ثقاله یا زهرا

ریاسته گوره اسلامیانی اهل نفاق

دوباره چکدی طریق ظلاله یا زهرا

نجه دایاندی او مولا که ایسته سیدی اگر

ویرردی صورت امکان محاله یا زهرا

او اود که ووردولا درگاه وحیه اولدی سبب

بلا چولونده قوپان اشتعاله یا زهرا

یاناندا خیمه لر اطفال خسته بنزردی

پناهگاهی یانان بیر غزاله یا زهرا

قاچاردی وحشتیله هر یتیمه بیر طرفه

باشیندا حسرت الی دیلده ناله یا زهرا

خانم عم اوغلووا ویرم قسم عنایت ایله

وار احتیاجی ((حزینون)) نواله یا زهرا

هم اوز مزاریوه هم اوغلوون زیارتینه

سنی حسین و حسن ویر حواله یا زهرا

((حزین تبریزی))

خواندن 4657 دفعه

نظر دادن

از پر شدن تمامی موارد الزامی ستاره‌دار (*) اطمینان حاصل کنید. کد HTML مجاز نیست.

جستجو در کل مطالب